[ Preguntas frecuentes ]
Preguntas frecuentes
A transparencia é un dos nosos valores. Aquí respondemos ás dúbidas máis habituais sobre como traballamos, canto custa, que tecnoloxía usamos e que pasa despois do lanzamento, para que decidas con toda a información.
[ Proceso ]
Sobre proceso e colaboración
Como comeza un proxecto?
Cunha conversa. Primeiro entendemos os teus obxectivos e o que ten que cambiar no teu negocio. A partir de aí mandámosche unha proposta por escrito, con alcance, prazos e prezo.
Cal é o meu papel como cliente no proxecto?
A túa participación é clave. Pedímosche que esteas nas reunións de planificación e nas demostracións ao final de cada sprint para darnos a túa opinión e aprobar as entregas. Canto máis preto esteas, mellor sae o resultado.
Traballades con metodoloxías áxiles?
Si. Usamos principios de Scrum e Kanban: ciclos curtos, entregas continuas e marxe para adaptarnos aos cambios, sempre co avance á vista.
Con quen falarei durante o proxecto?
Coa persoa que deseña e programa o teu proxecto, desde a primeira reunión ata o mantemento. Sen comerciais nin intermediarios.
O código fonte será meu ao final do proxecto?
Si. Ao rematar o proxecto e completar os pagamentos recibes a propiedade intelectual e o acceso a todo o código fonte. Construímos colaboracións, non reféns.
Que é o "código limpo" e por que importa?
É código ben escrito, ordenado e doado de entender. Para ti significa unha web máis rápida e máis segura, e moito máis doada e barata de manter ou de ampliar no futuro, tamén por outra persoa.
Traballades con axencias?
Si, en white-label: a túa axencia deseña e fala co cliente, e nós programamos coa túa marca e baixo NDA. Contámolo en solucións para axencias.
[ Prezos ]
Sobre prezos e pagamentos
Canto custa un proxecto?
Depende do alcance. Para webs de empresa estándar temos paquetes WordPress cun alcance pechado. Para todo o demais, despois da primeira reunión recibes unha proposta detallada con todos os custos e prazos.
O prezo pode cambiar durante o proxecto?
Non para o alcance acordado: o prezo da proposta é fixo. Se durante o proxecto pides funcións novas que non estaban previstas, presentámosche o custo á parte para que o aprobes antes de comezalas.
Cales son as formas de pagamento?
Normalmente, un sinal ao aprobar a proposta e o resto en pagamentos ligados ás entregas do proxecto. Nos paquetes WordPress, o 50% ao comezar e o 50% na entrega. Se o teu proxecto o precisa, podemos falar doutro modelo.
A primeira conversa ten custo?
Non. A primeira conversa e a proposta son sen compromiso.
[ Tecnoloxía ]
Sobre tecnoloxía
Por que non mercar simplemente un tema de WordPress xa feito?
Os temas comprados adoitan ser pesados e difíciles de adaptar. Construímos temas desde cero, pensados para o rendemento e para o que ti precisas. O resultado é unha web máis rápida, máis segura e cun panel de xestión que ten sentido para ti.
WordPress ou unha aplicación á medida?
WordPress é a opción axeitada para webs de contido e tendas estándar. Cando precisas regras de negocio propias, áreas privadas complexas ou integracións esixentes, desenvolvemos con PHP e Laravel. Recomendámosche o que encaixa, non o máis caro.
Un plan de mantemento inclúe a seguridade?
Inclúe as medidas básicas: actualizacións, copias e vixilancia. O servizo de ciberseguridade é unha capa máis profunda, con monitorización activa, cortalumes e plan de resposta a incidentes, pensada para negocios que non poden permitirse problemas.
As vosas webs cumpren co RGPD?
Si. A formación xurídica na casa fai que o RGPD, as cookies e os textos legais formen parte do proxecto desde o briefing, non un engadido ao final.
[ Prazos e soporte ]
Sobre prazos e soporte
Canto tarda un proxecto?
Unha web WordPress á medida adoita levar de 4 a 8 semanas; unha aplicación con Laravel, de 3 a 6 meses ou máis. Unha web one-page dos paquetes pode estar lista en 7 días hábiles. O calendario do teu proxecto vai por escrito na proposta.
Que pasa despois do lanzamento?
Ensinámosche a xestionar a web e podes seguir pola túa conta. Se prefires que a coidemos nós, os nosos plans de mantemento cobren actualizacións, copias de seguridade, vixilancia e pequenas melloras.
En que idiomas traballades?
En galego, español, portugués e inglés. Tamén facemos webs multilingües, escritas por quen fala esas linguas.
Traballades fóra de Galicia?
Si. Traballamos en remoto con clientes de toda España e tamén no Brasil.
A túa dúbida non está aquí?
A forma máis rápida de resolvela é falar connosco. Cóntanos o teu proxecto e respondémosche en 24 horas laborables.
[ Falemos ]
Segue coñecendo o estudio
Cada sección desta web conta unha parte da nosa historia e do noso método. Descobre as raíces e o percorrido que forman a nosa identidade, ou os principios que guían o noso traballo.