Para quen
- Axencias con picos de traballo (overflow).
- Estudios de deseño que precisan desenvolvemento white-label.
- Equipos que buscan reforzo temporal (staff augmentation).
- Proxectos con prazos esixentes e foco na calidade.
[ Para axencias e estudios ]
Medremos xuntos: desenvolvemento white-label para axencias e estudios
Ti deseñas e falas co cliente. Nós programamos coa túa marca, baixo NDA e con prazos claros. Somos especialistas en PHP/Laravel, WordPress/WooCommerce e Python, e traballamos como unha extensión do teu equipo para axencias de España e o Brasil.
[ Para quen ]
Para quen e como colaboramos
Para axencias sen equipo de desenvolvemento, ou cun equipo que agora mesmo non dá feito.
Modelos de colaboración
- White-label por proxecto.
- Overflow por sprint ou por proxecto.
- Staff augmentation (por horas).
- Rescate e optimización de plugins e temas.
- Mantemento con SLA.
- APIs e integracións.
Stack & especialidades
As ferramentas coas que traballamos a diario. Se a túa axencia usa outras, adaptámonos.
[ Proceso ]
Como traballamos
Seis pasos, do primeiro contacto ao soporte despois da entrega. Sabes en todo momento onde estamos e que vén despois.
[01]
Discovery & NDA
Aliñamos obxectivos, alcance e riscos, e asinamos o NDA antes de recibir materiais.
[02]
Arquitectura & roadmap
Backlog, fitos, estimacións e plan de entregas (releases).
[03]
Execución
Git flow, revisión de código, contornos separados e CI/CD.
[04]
QA & rendemento
Probas, monitorización e optimización de Core Web Vitals.
[05]
Entrega white-label
Documentación e traspaso (handover) ao teu equipo ou ao teu cliente, coa túa marca.
[06]
Mantemento & SLA
Plans de soporte, evolución e métricas.
[ Modelos ]
Modelos, prazos e facturación
Prazos orientativos para cada modelo. O prazo pechado do teu proxecto vai por escrito, ligado ao alcance.
| Modelo | Entregables típicos | Prazos | Facturación |
|---|---|---|---|
| White-label | Plugin ou tema, landing ou LMS, integración con API | De 1 a 8 semanas | Por proxecto ou por sprint |
| Overflow | Backlog pechado por entrega | De 1 a 4 semanas | Por sprint |
| Staff augmentation | Desenvolvedor sénior integrado no teu equipo | Mensual | Por horas ou bolsa de horas |
| Rescate | Auditoría e corrección urxente | De 3 a 10 días | Paquete pechado |
| Mantemento con SLA | Actualizacións, copias, WAF, Core Web Vitals | Recorrente | Mensual |
[ Por que nós ]
Por que nós
- 18+ anos de experiencia en web, do deseño ao código
- 100% white-label baixo NDA
- GL · ES · PT · EN: falamos o idioma do teu cliente, sen tradutor
- QA & Core Web Vitals: o rendemento mídese, non se supón
Francisco BaqueiroFundador · O teu contacto técnico durante todo o proxecto
[ Caso real ]
Casos rápidos
Tres encargos de axencias, contados sen nomes porque o traballo foi white-label.
LMS académico white-label
Reto: converter un deseño de Figma nunha plataforma de cursos (LMS) en WordPress, con pagamentos e aulas privadas.
Que fixemos: tipos de contido á medida, plans, WooCommerce, rendemento e accesibilidade base.
Rescate dun plugin de Elementor
Reto: erros críticos e un INP alto (a web tardaba en responder aos clics).
Que fixemos: refactorización do JavaScript, carga diferida de recursos, claves de caché e volta atrás segura.
API de integracións
Reto: sincronizar stock e pedidos entre sistemas.
Que fixemos: API REST en PHP, webhooks, colas e observabilidade.
[ Garantías ]
Garantías & acordos
- NDA e confidencialidade. O teu cliente é teu. Entregas e comunicación coa túa marca.
- Propiedade intelectual do cliente. O código entregado pertence á túa axencia ou ao teu cliente.
- Calidade. Revisión de código, pull requests e estándares de linting e seguridade.
- Prazos claros. Roadmap, fitos e aviso temperán de riscos.
- RGPD e acceso mínimo. Segredos protexidos, copias de seguridade e WAF.
[ Handover ]
Que entregamos no handover
O que recibe o teu equipo ao pechar cada proxecto, para que poida seguir sen nós se o precisa.
- Código no repositorio (estrutura, ramas e etiqueta da versión).
- Readme técnico con instrucións de despregamento e de volta atrás.
- Accesos e segredos rotados, e checklist de QA.
- Métricas clave (Core Web Vitals, erros, logs) e próximos pasos.
DevOps & releases
- CI/CD con volta atrás.
- Versionado semántico e changelog.
- Estratexia de caché e de recursos.
QA & monitorización
- Probas básicas (unitarias e funcionais onde se aplique).
- Alertas de erros e logs.
- Auditorías Lighthouse.
Stack de integracións
[ Preguntas frecuentes ]
FAQ
O que adoitan preguntarnos as axencias antes da primeira colaboración.
Traballades baixo NDA e coa nosa marca?
Si. A relación é 100% white-label: comunicacións, documentación e entregas coa túa marca. Asinamos o NDA antes de recibir materiais.
Como é o arranque do proxecto?
Unha reunión de arranque técnica e comercial, acceso a repositorios e contornos, canles de comunicación (Slack ou Teams), responsables, calendario e criterios de aceptación.
Que metodoloxía e ferramentas usades?
Sprints con Scrum ou Kanban. GitHub, GitLab ou Bitbucket con CI/CD, e xestión en Jira, Asana ou Trello. Adaptámonos ás ferramentas da túa axencia.
Como xestionades prazos, SLA e riscos?
Prazos pechados por alcance. Avisamos dos riscos cedo, compartimos o avance e facemos entregas parciais en staging. Os SLA de soporte son opcionais.
De quen é o código e onde se garda?
O código entregado pertence á túa axencia ou ao teu cliente. Traballamos nos repositorios da túa organización ou transferímosche os repositorios privados ao rematar.
Como tratades a seguridade e o RGPD?
Reforzo da configuración (hardening), copias de seguridade, WAF, xestión de segredos e acceso mínimo. Cumprimos o RGPD, e os datos de produción só se usan en contornos controlados.
Coidades o SEO técnico e o rendemento?
Si: Core Web Vitals (LCP, CLS, INP), carga diferida, optimización de recursos, datos estruturados, mapas do sitio e auditorías Lighthouse.
E a accesibilidade?
Traballamos con WCAG 2.1 AA nos compoñentes clave: semántica, contraste, navegación por teclado, ARIA e probas con lectores de pantalla.
Como son o hosting e os despregamentos?
Contornos de staging e produción separados, CI/CD con volta atrás e Docker cando se aplica. Usamos o provedor da túa axencia ou facémosche recomendacións.
Como facturades?
Facturamos desde España, en euros. Por proxecto ou por sprint, por horas ou cunha cota mensual (SLA), con fitos de pagamento claros desde o principio.
En que idiomas e horarios traballades?
En galego, español, portugués e inglés. Traballamos en horario de Madrid, con horas en común cómodas para axencias de Europa e de América Latina.
Hai soporte despois do lanzamento?
Si. Mantemento white-label (actualizacións, monitorización, seguridade e melloras) con métricas e informes mensuais que podes reenviar ao teu cliente coa túa marca.
[ Falemos ]
Listos para colaborar?
Mándanos o briefing ou axenda unha videochamada. Respondémosche en 24 horas laborables con dúbidas, prazos e unha primeira estimación.