A nosa misión
Ser o teu socio técnico: traducir as necesidades do teu negocio en solucións tecnolóxicas eficientes, seguras e escalables, con resultados que se poden medir.
[ O estudio ]
Máis que un provedor.
O teu socio de tecnoloxía.
Baqueiro Desarrollo Web é un estudio de desenvolvemento web con base en Ponte Caldelas (Pontevedra) e actividade tamén no Brasil. Máis de 18 anos de web, do deseño ao código, ao servizo de empresas e axencias que precisan tecnoloxía que funcione.
[ Historia ]
Unha viaxe de paixón e raíces
Ola, chámome Francisco Baqueiro. A miña traxectoria coa tecnoloxía comezou en 2006, aos 19 anos, co deseño gráfico e web. Aínda que a vida me levou a estudar Dereito, as ganas de crear solucións dixitais e de ver o seu efecto nos negocios sempre puideron máis.
Iso levoume a fundar Bobly no Brasil e, ao volver á terra dos meus antepasados en Galicia (os meus bisavós eran de Ponte Caldelas), a crear Baqueiro Axencia Dixital. Un nome que leva a miña historia e o compromiso de pór toda esa experiencia ao servizo das empresas que queren crecer en internet.
Non se trata só de código: trátase de construír o futuro do teu negocio.
[ Evolución ]
Dous anos de evolución
Nos dous primeiros anos non só fixemos proxectos: aprendemos. Dos nosos clientes, do noso mercado e, sobre todo, do lugar onde o noso traballo achega máis: axudar a outras empresas e axencias a converter boas ideas en webs e sistemas que funcionan.
Descubrimos que o noso é ser a engrenaxe técnica detrás da creatividade. Construír con outros, como o socio técnico de axencias e empresas que precisan quen desenvolva e traballe en harmonía co seu equipo.
Ese cambio de foco trouxo un nome novo. Baqueiro Axencia Dixital pasou a chamarse Baqueiro Desarrollo Web: un nome que di exactamente a que nos dedicamos. Con el chegaron unha identidade visual renovada e esta web, feita cun tema e uns plugins propios.
A promesa segue a ser a mesma: solucións web con código limpo, un deseño funcional e unha colaboración de verdade. Queremos ser o socio de desenvolvemento que a túa empresa ou a túa axencia poida chamar seu.
[ Orixe ]
Baqueiro: legado, orixes e compromiso
O nome Baqueiro non é unha elección de márketing: é un apelido e unha historia familiar con raíces en Galicia.
As cores da marca tamén miran a Galicia: o azul e o branco da súa bandeira, e o dourado como acento. Unimos a determinación desas orixes coa técnica de hoxe para entregar solucións á altura desa herdanza.
Non somos só construtores de webs; somos socios técnicos. O noso obxectivo é que cada solución que construímos traballe para ti as 24 horas: que capte clientes, reforce a túa marca e faga crecer o teu negocio.
Para cumprilo, somos un estudio pequeno e con rostro: falas con quen deseña e programa o teu proxecto, sen intermediarios, da primeira reunión ao mantemento.
[ Filosofía ]
A nosa filosofía de traballo
A nosa visión
Ser unha referencia en desenvolvemento á medida, recoñecida pola calidade técnica, a transparencia nos procesos e o compromiso a longo prazo cos nosos clientes e socios.
Os nosos valores
Colaboración: o teu éxito é o noso éxito.
Calidade: solucións sólidas e código limpo.
Transparencia: comunicación honesta e directa.
Resultados: o noso compromiso final é o crecemento medible do teu negocio.
[ Diferenzas ]
Que nos separa doutra axencia máis
Cinco cousas que vas notar traballando connosco.
Código, non só modelos
Cando o que existe non serve, escribimos plugins e sistemas propios. Moitas axencias montan; nós desenvolvemos.
Conformidade de serie
Formación xurídica na casa. O RGPD, VeriFactu e as obrigas de cada sector entran no proxecto desde o briefing.
Tres linguas nativas
Galego, español e portugués sen tradutor polo medio, máis inglés. As webs multilingües faias quen fala esas linguas.
White-label de verdade
Para as axencias somos invisibles: o seu cliente ve a súa marca. Nada de sinaturas no pé da web sen acordo.
Produtos propios
Hospedus, Juegocito e os nosos plugins [B] son produtos Baqueiro. O que vendemos, tamén o usamos: coñéceos.
O que non somos
Non somos a opción máis barata nin unha fábrica de webs de catálogo. Tampouco unha consultora que entrega presentacións: o resultado sempre é algo que funciona.
[ Produtos propios ]
O que vendemos, tamén o usamos
Ademais de traballar para clientes, desenvolvemos e mantemos produtos propios. Son o banco de probas do que despois che recomendamos.
Hospedus
Programa de xestión para aloxamentos turísticos: reservas directas sen comisión, mantemento do inmoble e obrigas legais (parte de viaxeiros, facturación e protección de datos) nun só panel.
Juegocito
Servizo gratuíto para afeccionados aos xogos de mesa: xestionar a colección, rexistrar partidas, atopar xogadores preto e descubrir xogos novos.
![Portada de Plugins [B]](https://baqueiro.es/wp-content/uploads/2026/10/portfolio-plugins-b.webp)
Plugins [B]
Plugins para WordPress que usamos nos nosos proxectos, comezando por esta web: formularios, cookies e RGPD, axenda de citas e contido para buscadores e IA.
[ En cifras ]
O estudio en cifras
18+Anos en web, do deseño ao código
4Linguas: galego, español, portugués e inglés
2Mercados con marca propia: España e o Brasil
Certificacións de Google en Xestión de Proxectos e en Automatización con Python.
Formación xurídica para incorporar os requisitos legais ao briefing e ás decisións técnicas.
Agora que nos coñeces mellor...
A nosa historia é só o principio. Estes son os valores e as accións que definen o noso traballo e o noso impacto.
A nosa filosofía
As boas colaboracións baséanse en valores. Descobre os 10 principios que guían cada liña de código que escribimos.
O noso compromiso
Como convertemos os nosos valores en accións concretas polo planeta e pola nosa comunidade.
O noso proxecto social
Como usamos o que sabemos para construír, de balde, unha web ao mes para unha causa social co Proxecto Impacto Dixital.
[ Falemos ]
Listo para comezar o teu proxecto?
Cóntanos que precisas resolver. A primeira conversa é sen compromiso e respondémosche en 24 horas laborables.